零七年二月二日（五）
把聲沙到冇人有，唯有嘆氣三聲！
點解要堂堂chem都俾功課、默書／小測，功課改都改到手軟，自問睇字都算快，「摩打」手咁！！但實在花精神時間，隻眼真係好攰。啲學生又唔係路既，做改正都抄錯字，沒得救！
點解要咁緊張自己班啲成績，做到「蚊蚊」地，禁不住發脾氣諗，你哋唔識咪唔識囉！關我咩事？又唔係我唔識？仲要狂俾英文功課佢哋做，點解仲有唔生性、唔上進？
每日既時間緊緊夠備課、出筆記／工作紙、批改、練波、排戲，其他文件／統籌工作點算？
TSA訓練已經開始咗，同學仔既程度叫人不知所措，你哋點解好似白過了六年小學及中一二咁？初中數學也搞唔掂，點升班？
升到班又只得一個「慘」字，一定跟唔到。
中四同學仔叫救命咁叫，日日要睇英文報紙，默生字。我強調係「日日」做，佢哋依家先嚟後悔初中唔勤力啲，因為初中課程實在係淺啲，浪費晒啲時間去玩，唔打好啲個英文底。
咁你哋究竟想點？仲有人懶到飛起。沒氣了！由得啲懶惰者自生自滅。
開始日真係殺到埋身，好苦腦，若果真係可以留宿學校就好咯，我需要再多啲啲時間工作，但又要夠瞓喎！人年紀大嘛！！！唔夠瞓真係會死人架。
