關關

唉！因為十二月要on show，拗柴既腳已經有兩個禮拜冇排練，上個禮拜也只可以行行企企，走吓台位，一啲力都用唔到，仲話有轉圈喎！好灰！

成段舞既後三分一都係呢三個禮拜先教，我又學唔到，只可以坐喺隔離，做吓手部動作咁啦！

其實隻腳未好番晒，但再唔排真係唔掂，今日唯有盡人事啦！結果跳得好鬼差，啱啱先學番啲動作，甩動作、甩拍子，甩到呢……真係要加油！否則就累到其他人喇。

跳完之後隻腳痛到飛起！又要再睇醫生。

同學睇到呢段，一定又鬧我唔休息，我都唔想，影響人哋都唔可以！你哋睇唔到我show啦，因為考緊試，遲啲俾錄影你哋睇番啦！多多代禱。

戰鬥去…